無征不信，無信不立。
無論中大手足今晚係守係撤，佢地都已經打咗一場漂亮，而且戰果豐碩嘅戰役。
中大手足唔單止全面封鎖吐露港公路，更加喺1112一夜牽制咗幾乎大半嘅香港警力（證據係當晚警察面對各區開花明顯係左支右絀），喺大三罷、黎明行動嘅戰略目標下，佢地目前係佔咗首功。
中大人誓守家園嘅豪情亦都輻射到全港學子，港大、理大、城大、浸大相繼據險而守。
因為意外回歸到陣地戰，地點更加係熟悉不過嘅母校，手足就有充裕嘅時間嘗試同演練各種戰法。弓箭、投石器，仲有各種大為進化嘅路障同火魔法，以至戰鬥嘅經驗本身，都係不可多得嘅收穫。
最重要嘅係，呢種以學校為凝結核心嘅群體，將會係香港新一波嘅組織形式。
無異，佢地受到被「鬼」分化嘅考驗，但只要學識應對，再加上共同作戰培養出嚟嘅組織能力，各間大學學生將會係香港旗下幾個最具規模嘅共同體。
呢種共同體，目前絕對比地區連結更強，更能應付極權。
其實坦白講，當初不論敵我，都肯定無設想過中大手足可以咁頑強，佢地可以打得咁好，絕對係超乎想像。
既然佢地並唔係無力拒敵，即係話佢地嘅撤退，必然經過深思熟慮嘅權衡。
中大手足用實戰證明咗畀我地所有香港人知，佢地有勇氣，有熱情，更加知所進退，喺緊張關頭依然保持理性。
所以，佢地絕對值得我地信任。
請廣傳佢地嘅戰績，燃點起時代革命反擊嘅狼煙。
▪▪▪▪▪▪▪▪▪▪
擔心手足守城好危險，宜家罷都未太遲：
【毋忘初衷，承諾罷工——請更改頭像許下罷工諾言】
https://m.facebook.com/story.php?story_fbid=147268106626132&id=105915067428103
罷工頻道：
t.me/hkonstrike
Search